الشروط والأحكام

NIGHT VISION: استوديو المواقع والتسويق مقرّه الأردن. العميل: الشخص أو الجهة اللي بتطلب خدماتنا.

الشراء: اقتناء الموقع بدفعة شراء لمرة واحدة حسب الاتفاق. الاشتراك: خدمة بمدة منتفق عليها لما نقعد معك، بسعر متفق عليه. الدومين: اسم النطاق اللي بيوصل الزوار للموقع.

الخدمات متاحة لأي حدا عمره 18 سنة أو أكثر. بنطلب من العميل تأكيد إنه عمره 18 سنة أو أكثر قبل إرسال الطلب.

منقدّم مواقع بالشراء أو الاشتراك، وأفكار مشاريع مع موقعها، ونماذج جاهزة مثل حجز العيادات وبطاقات الدعوة، وخدمات تسويق وتصميم وإعلانات بالأردن. السعر حسب شو منعمل إلك: منقعد معك، منفهم شو بدك، وبعدين منحسبلك السعر. الشراء والاشتراك كلاهما بسعر خاص متفق عليه، وما في سعر ثابت معلن.

الدفعات حسب السعر المتفق عليه. الموقع ملك العميل بعد استلام كامل المبلغ.

مناخد موافقة العميل على التصميم قبل البرمجة. منقدّم 30 يوم تعديلات مجانية بعد الإطلاق.

مدة الاشتراك منتفق عليها لما نقعد معك. السعر حسب شو منعمل إلك. بيشمل الاستضافة والأمان وتجديد الدومين والنسخ الاحتياطية والتعديلات البسيطة الشهرية والدعم.

منبعث تذكير قبل نهاية المدة. إذا خلصت المدة وما تجدد الاشتراك، الموقع بيتسكّر. بياناتك ومحتواك بتضل محفوظة بدون حذف تلقائي، وبتقدر تطلب حذفها عبر visionn426@gmail.com ومنحذفها خلال 30 يوم.

التصميم والبرمجة ملك NIGHT VISION، والعميل إله حق الاستخدام خلال الاشتراك، ومحتواه ملكه. ممكن التحويل لشراء بسعر متفق عليه.

ما منوعد بأرقام أو نتائج محددة (KPIs). منشتغل حسب طلب العميل وبإبداع من عنّا وبحدود الخدمات المكتوبة بالباقة.

ميزانية الإعلانات مش داخلة بالسعر، وبتندفع للمنصات مباشرة. السعر حسب شو منعمل إلك، ومتفق عليه قبل البدء.

الإيقاف بإبلاغنا قبل الفترة الجاية، والفترة المدفوعة ما بترجع. العميل مسؤول عن صحة وحقوق المحتوى اللي بيعطينا إياه.

كل أفكارنا، ومنها موقع حجز العيادات ومنصة بطاقات الدعوة، فيك تشتريها أو تشترك فيها، والسعر حسب شو منعمل إلك. بالبداية منعرض عليك أفكارنا للاسم والشكل والمحتوى وطريقة البيع؛ إذا وافقت منبلّش، وبالاشتراك منكمّل معك كل شهر لآخر المدة اللي حددتها. إذا خلصت المدة وما تجدد الاشتراك، الموقع بيتسكّر. الفكرة المشتراة للعميل وبتنشال من السوق، وما منضمن النجاح التجاري.

العروض المجانية بدون التزام. التصميم المجاني ملك NIGHT VISION وما بينستخدم ولا بيتعطى لجهة تانية إلا بعد الاتفاق على المشروع.

قبل بدء الشغل، الدفعة الأولى بترجع كاملة. بعد بدء التصميم ما بترجع. الاشتراك ما فيه استرداد للفترة المتبقية، والفترة المدفوعة للتسويق ما بترجع.

NIGHT VISION مش مسؤولة عن خسائر غير مباشرة، أو توقف بسبب مزوّدين خارجيين أو ظروف قاهرة. الحد الأقصى للمسؤولية هو المبلغ المدفوع عن الخدمة نفسها.

بتنطبق قوانين المملكة الأردنية الهاشمية، والاختصاص لمحاكم عمّان.

للتواصل: visionn426@gmail.com